Hönnunarkeppnin Stíll

Stíll er árleg hönnunarkeppni á milli félagsmiðstöðva þar sem keppt er í hárgreiðslu, förðun og fatahönnun út frá ákveðnu þema sem er ákveðið af ungmennaráði Samfés. Þemað í ár er Sjóræningjar karabíska hafsins.

Tveir hópar upprennandi hönnuða frá Brekkubæjarskóla tóku þátt í undankeppninni sem fór fram í Arnardal í gær og sýndu afrakstur vinnu undanfarinna vikna. 

Þær Eva Júlíana, Iðunn, Íris og Kiddý, allar í 10.bekk,  komust áfram í lokakeppni Stíls 2025 sem fer fram þann 1.mars. Hönnun þeirra er unnin útfrá sírenum sem eru sjávarvættir í grískri goðafræði. Sírenur voru alræmdar fyrir að reyna laða menn til sín með undirfögrum söng og bana þeim síðan.

Til hamingju stelpur!

Nokkrar myndir frá undankeppni Stíls má sjá hér.