Vinnufundur nemendafélaganna

Þriðjudaginn 23. janúar hittust fulltrúar úr nemendaráðum Brekkubæjar- og Grundaskóla í Þorpinu og áttu saman góðan vinnufund. Málefnin sem voru til umræðu voru m.a. vika 6, símareglur, samvinna skólanna og fleira. Krakkarnir völdu sér málefni og unnu síðan í litlum hópum. Í lokin kynnti hver hópur síðan niðurstöður sínar og starfsfólk skólanna tók við því sem skráð hafði verið á blöð. Málin verða svo unnin áfram út frá þeim hugmyndum og niðurstöðum sem krakkarnir skiluðu af sér.